3 најчести грешки при мерење на успехот на мобилните кампањи (и како да ги избегнете)

На повидок е мобилна револуција во маркетингот. Сведоци сме како технологијата го менува начинот на кој корисниците ги консумираат и ги споделуваат информациите, остваруваат контакт и се поврзуваат со брендовите.

Најверојатно ова сте го слушнале – мобилниот екран стана прв екран. Паметните телефони се најпреферирана платформа за социјално вмрежување, следење ТВ програма, вести, игри, музика и останати форми на забава, особено за помладата публика.

Последните извештаи на гигантите на социјалните мрежи – Facebook и Twitter покажаа дека при растот на приходите од маркетинг доминира мобилното огласување . Покрај тоа, се предвидува дека до 2018 година мобилното огласување на глобално ниво ќе се изедначи со десктоп рекламирањето.

Како што се зголемува времето поминато на Интернет преку мобилните уреди и таблети, пазарот мора да биде спремен. Мобилниот не претставува само еден нов дополнителен канал, туку комлетна и моќна мултиканална платформа која може да понуди досега невидено и релевантно бренд искуство.

Грешка #1: Примена на само традиционaлни мерки при мерење на успехот кај мобилните рекламни кампањи

Од почетоците на Интернетот, десктоп онлајн рекламирањето постави стандардни параметри за мерење на ефикасноста на кампањите. Импресии, опсег, посети, CTR и времето поминато на страницата станаа составен дел на еден типичен маркетинг извештај. Непотребно е да се каже дека некои од овие параметри и понатаму имаат важност во мерење на успехот на мобилните кампањи.

Но, мобилното рекламирање е сосема поинаков предизвик од оние на кои пазарот е навикнат кај останатите медиуми и маркетинг канали. Како моќна и релативно нова платформа, мобилното рекламирање отвори сосема нови можности за комуникација со потрошувачите, поттикнување на интеракција, пренесување на приказните и во крајна линија градење на квалитетни односи со купувачите.

мерки_мобилно_рекламирање

Како да ја избегнете оваа грешка:
Сè се сведува на категоријата на брендот и главната цел на маркетинг стратегијата. Користењето на само традиционални мерки во онлајн огласувањето не е доволно. Интерактивната природа на мобилното рекламирање ги принуди маркетерите да ги користат мерките како степен на интеракција и вкупен број на интеракции. На тој начин ќе добиеме јасна слика околу тоа на кој начин различните креативи на мобилните реклами влијаат на корисниците и нивното однесување, со цел попрецизно да се утврди ефикасноста на кампањата.

Грешка #2: Мерењето застанува кај кликовите

Маркетерите често успешноста на кампањата ја дефинираат по бројот на кликови. Некои одат чекор понатаму, па ги следат преземањата, инсталирањата и конверзиите и ги пресметуваат најниските трошоци на каналите. Мерењето на успешноста на кампањата на овој начин е честа грешка која може да оправда непотребно трошење на буџетот поради фиктивно висок ROI.

Како да ја избегнете оваа грешка:
Потрошувачите и корисниците (на мобилни апликации) се безвредни ако не воспоставиле значајна интеракција со брендот. Прво идентификувајте ги настаните кои се тесно поврзани со целите на кампањата: потенцијални корисници, регистрација, купувања, анимирање, зголемување на CLV (customer lifetime value). Следете и измерете ги овие настани преку сите канали на кампањата: медиумски портали, рекламирање на социјалните мрежи, е-мајл, СМС, итн. Потоа мапирајте го движењето на корисниците со цел да утврдете дали целната група се однесува како што и очекувате, во согласност со целите поставени на почетокот на мобилната кампања.

Следејќи ги овие “длабоки параметри’’ ќе загарантирате подобар повраток на инвестицијата во следната кампања.

Грешка #3: Поврзување на погрешни параметри со целите на кампањата

Која е главната цел на вашата кампања со мобилно огласување? Зголемување на свесноста при лансирање на нов производ, стимулирање на посети во продавниците, подигнување на намерата за купување, градење на база на следбеници или анимирање на потенцијалните купувачи?

Искусните маркетери знаат дека степенот на интеракција и бројот на интеракции не вредат многу ако вашата примарна цел е фокусирана на продажба. Од друга страна, брендот не може да очекува голем пораст на продажбата ако целта на кампањата е да ја информира или ангажира публиката околу нова понуда или производ.

Како да ја избегнете оваа грешка:
Поставете јасни Клучни Индикатори на Перформансите (KPI) уште од самиот почеток на кампањата. Мапирајте ги моментите и допирни точки во процесот на купување кај купувачите на кои сакате да извршите влијание преку кампањата и  поврзете ги нив со соодветни и релевантни параметри за мерење на успешноста на кампањата.

Какво е вашето досегашно искуство со мобилното огласување?

Дали сте “паднале” на некои од овие наведени или други мамки при мерењето на успешноста на мобилните кампањи? Споделете ги вашите впечатоци на MAD Conference LinkedIn Group и вклучете се во дискусијата.

Стани дел од листата на ClickAttack маркетинг инсајдери.
Претплати се за вести и корисни совети од светот на дигиталното рекламирање

Може ќе ве интересираат и овие написи

200+ Медиумски Партнери

Контакт

ClickAttack
11 Октомври бр 25
1000 Скопје, Македонија
Telefon:+389 2 3209 188
Email: info.mk@clickattack.com

Дознај повеќе